ಸ್ವಿಸ್ ಬ್ಯಾಂಕಿನಲ್ಲಿ ಹೆಚ್ಚು ಹಣ ಇಟ್ಟಿರುವವರು ಯಾರು?

ಸ್ವಿಸ್ ಬ್ಯಾಂಕುಗಳಲ್ಲಿ ಅತಿಹೆಚ್ಚು ಹಣವಿಟ್ಟಿರುವವರು ಯಾರು? ಇದು ಬಹಳ ನಿಗೂಢ. ಏಕೆಂದರೆ ಸ್ವಿಸ್ ಬ್ಯಾಂಕುಗಳದು ರಹಸ್ಯ ಖಾತೆಗಳು. ರಹಸ್ಯ ಕಾಯುವುದೇ ಈ ಬ್ಯಾಂಕುಗಳ ವಿಶೇಷತೆಯಾದ್ದರಿಂದ ಕಳ್ಳಸಾಗಣಿಕೆದಾರರು, ಉದ್ಯಮಿಗಳು, ರಾಜಕಾರಣಿಗಳು, ಸವರ್ಾಧಿಕಾರಿಗಳು, ಕ್ರಿಮಿನಲ್ಗಳು, ಅಪಾರ ಕಪ್ಪುಹಣ ಉಳ್ಳವರು ಅವುಗಳ ಮೊರೆ ಹೋಗುತ್ತಾರೆ. ಸ್ವಿಸ್ ಬ್ಯಾಂಕುಗಳ ರಹಸ್ಯ ಖಾತೆಗಳು ಭಾರಿ ಶ್ರೀಮಂತರಿಗೆ ಮಾಮೂಲು. ನಾವು ನೀವು ಮನೆ ಹತ್ತಿರದ ಪಬ್ಲಿಕ್ ಸೆಕ್ಟರ್ ಬ್ಯಾಂಕಿನಲ್ಲಿ ಖಾತೆ ತೆರೆದಷ್ಟೇ ಮಾಮೂಲು. ಅದು ಎಲ್ಲರಿಗೂ ಗೊತ್ತು.

ಆದರೆ ಈ ಸುದ್ದಿ ಆಘಾತಕಾರಿಯಾಗಿದೆ. ವಿವಿಧ ದೇಶಗಳ ಮಾಧ್ಯಮಗಳಲ್ಲಿ ವರದಿಯಾಗಿರುವಂತೆ ಇಂದು ಸ್ವಿಸ್ ಬ್ಯಾಂಕುಗಳಲ್ಲಿ ಅತಿಹೆಚ್ಚು ಹಣವಿಟ್ಟಿರುವವರು ಭಾರತೀಯರು!! ಅಷ್ಟೇ ಅಲ್ಲ, ಹೆಚ್ಚು ಹಣವಿಟ್ಟಿರುವ ಜಗತ್ತಿನ ಮೊದಲ ಐದು ದೇಶಗಳ ಪೈಕಿ ಉಳಿದ ನಾಲ್ಕು ದೇಶಗಳ ಎಲ್ಲ ಠೇವಣಿಗಳ ಒಟ್ಟು ಮೊತ್ತಕ್ಕಿಂತಲೂ ಭಾರತೀಯರ ಕಪ್ಪುಹಣದ ಪ್ರಮಾಣವೇ ಹೆಚ್ಚು!!

2006ರ `ಸ್ವಿಸ್ ಬ್ಯಾಂಕಿಂಗ್ ಅಸೋಸಿಯೇಷನ್' ವರದಿಯನ್ನು ಉಲ್ಲೇಖಿಸಿ ಸಿಎನ್ನ್-ಐಬಿಎನ್ ವಾಹಿನಿ ಹಾಗೂ ಪಾಕಿಸ್ತಾನದ `ಡೈಲಿ ಮೇಲ್' ಪತ್ರಿಕೆ ಈಚೆಗೆ ವರದಿ ಮಾಡಿರುವಂತೆ ಭಾರತೀಯ ಸ್ವಿಸ್ ಕುಳಗಳ ಒಟ್ಟು ಠೇವಣಿ 1456 ಶತಕೋಟಿ ಡಾಲರ್! ಅಂದರೆ 1.456 ಟ್ರಿಲಿಯನ್ (ಲಕ್ಷಕೋಟಿ) ಡಾಲರ್! ರೂಪಾಯಿ ಲೆಕ್ಕದಲ್ಲಿ (ಅಂದಾಜು ಲೆಕ್ಕದಂತೆ) ಸುಮಾರು 70,00,0,000,00,00,000 (70 ಲಕ್ಷ ಕೋಟಿ) ರೂಪಾಯಿಗಳು! ಇದು ನಮ್ಮ ಸಗಟು ಆಂತರಿಕ ಉತ್ಪನ್ನ (ಜಿಡಿಪಿ)ಗಿಂತಲೂ ಹೆಚ್ಚು.

ಅಂಕಿಅಂಶದ ಪ್ರಕಾರ, ರಷ್ಯಾದ ಪಾಲು 470 ಶತಕೋಟಿ ಡಾಲರ್. ಬ್ರಿಟನ್ 390 ಶತಕೋಟಿ ಡಾಲರ್. ಉಕ್ರೇನ್ 100 ಶರತಕೋಟಿ ಡಾಲರ್. ಅನಂತರ, ಉಸಿರು ಬಿಗಿಹಿಡಿಯಿರಿ, ಕಮ್ಯೂನಿಸ್ಟ್ ಚೀನಾದ ಪಾಲು 96 ಶತಕೋಟಿ ಡಾಲರ್! ಚೀನಾದ `ಪೀಪಲ್ಸ್' ಸಕರ್ಾರದ ದೊರೆಗಳು, `ಶ್ರಮಿಕರ ಪರವಾದ' ಕಮ್ಯೂನಿಸ್ಟ್ ಸವರ್ಾಧರ್ಿಕಾರಿಗಳು ಸ್ವಿಸ್ ಬ್ಯಾಂಕಿನಲ್ಲಿ ಇಟ್ಟಿರುವ ಹಣ ಸುಮಾರು 5,00,000,00,00,000 ರೂಪಾಯಿಗಳು!

ಟ್ಯಾಕ್ಸ್ ಜಸ್ಟಿಸ್ ನೆಟ್ವಕರ್್ (ಟಿಜೆಎನ್) ಸಂಸ್ಥೆ ಮಾಚರ್್ 2005ರಲ್ಲಿ ಪ್ರಕಟಿಸಿದ ಸಂಶೋಧನಾ ವರದಿಯ ಪ್ರಕಾರ, ಜಗತ್ತಿನ ಶ್ರೀಮಂತರ ವೈಯಕ್ತಿಕ ಸ್ವಿಸ್ ಖಾತೆಗಳ ಠೇವಣಿ ಸುಮಾರು 11.5 ಟ್ರಿಲಿಯನ್ ಡಾಲರ್ಗಳು. ಲೇಖಕ ರೇಮಂಡ್ ಬೇಕರ್ ಸ್ವಿಸ್ ಖಾತೆಗಳನ್ನು ಕುರಿತ ತನ್ನ ಪುಸ್ತಕವೊಂದರಲ್ಲಿ ಹೇಳುವಂತೆ, 1970ರ ದಶಕದ ಮಧ್ಯಭಾಗದಿಂದ ಈಚೆಗೆ ಬಡ ದೇಶಗಳಿಂದ ಏನಿಲ್ಲವೆಂದರೂ 5 ಟ್ರಿಲಿಯನ್ ಡಾಲರ್ನಷ್ಟು ಹಣ ಪಶ್ಚಿಮದ ದೇಶಗಳಳ್ಲಿರುವ ಸ್ವಿಸ್ ಬ್ಯಾಂಕುಗಳಿಗೆ ಹರಿದುಬಂದಿದೆ. ಜಗತ್ತಿನ ಕೇವಲ ಶೇ. 1 ರಷ್ಟು ಜನರು ಜಗತ್ತಿನ ಒಟ್ಟು ಐಶ್ವರ್ಯದ ಶೇ. 57ರಷ್ಟನ್ನು ಕಬಳಿಸಿ ತಮ್ಮ ಸ್ವಂತದ್ದಾಗಿಸಿಕೊಂಡಿದ್ದಾರೆ ಎಂದು ಅಂದಾಜಿಸಲಾಗಿದೆ.

ಭಾರತದ ವಿಷಯಕ್ಕೆ ಮತ್ತೆ ಬನ್ನಿ. 1.4 ಟ್ರಿಲಿಯನ್ ಡಾಲರ್ ಹಣ 1947ರಿಂದ ಈಚೆಗೆ ದೇಶವನ್ನು ಲೂಟಿ ಮಾಡಿರುವ ಹಣ. ಇದರಲ್ಲಿ ರಾಜಕಾರಣಿಗಳ, ಅಧಿಕಾರಿಗಳ ಹಾಗೂ ಉದ್ಯಮಿಗಳ ಪಾಲಿದೆ. ಘೋಷಿತ ಕ್ರಿಮಿನಲ್ಗಳ ಹಣವೂ ಇರಬಹುದು. ಒಂದು ಬಾರಿ ಸ್ವಿಸ್ ವಾಲ್ಟ್ಗಳನ್ನು ಸೇರಿದ ಹಣ ಶಾಶ್ವತವಾಗಿ ಕಣ್ಮರೆಯಾಗುತ್ತದೆ. ಬೋಫೋಸರ್್ ಹಗರಣ ನೆನಪಿಸಿಕೊಳ್ಳಿ. ಈ ಹಗರಣದ ಅಂತಿಮ ಫಲಾನುಭವಿ ಯಾರು ಎಂಬುದು ಇನ್ನೂ, ಅಧಿಕೃತವಾಗಿ, ನಿಗೂಢವಾಗಿದೆ (ಅನಧಿಕೃತವಾಗಿ ಜನಮಾನಸದಲ್ಲಿದೆ, ಅದು ಬೇರೆ ಮಾತು). ದೇಶದ `ನಂಬರ್ ಒನ್' ಕುಟುಂಬ ಏನಿಲ್ಲವೆಂದರೂ 2-3 ಶತಕೋಟಿ ಡಾಲರ್ ಹಣವನ್ನು ಸ್ವಿಸ್ ಖಾತೆಗಳಲ್ಲಿ ಇಟ್ಟಿದೆ ಎಂಬುದು ಸುಬ್ರಮಣಿಯನ್ ಸ್ವಾಮಿಯ ಆರೋಪ. `ಇದು ಹಳೆಯ ಅಮೆರಿಕನ್ ತನಿಖೆಯಿಂದ ತಿಳಿದುಬಂದಿದ್ದ ಸಂಗತಿ, ಈಗ ಇನ್ನೂ ಬಹಳ ಹೆಚ್ಚಿರಬಹುದು' ಎನ್ನುತ್ತಾರೆ ಅವರು. ಉದಾಹರಣೆಗೆ, `2001ರ ಸೆಪ್ಟೆಂಬರ್ನಲ್ಲಿ ಲಕ್ಷಾಂತರ ಡಾಲರ್ ಕ್ಯಾಷ್ ಸಮೇತ ಅಮೆರಿಕದ ವಿಮಾನನಿಲ್ದಾಣವೊಂದರಲ್ಲಿ ಈ ಕುಟುಂಬದ `ಯುವರಾಜ' ಎಫ್ಬಿಐ ಕೈಗೆ ಸಿಕ್ಕಿಬಿದ್ದಿದ್ದ' ಎನ್ನುತ್ತಾರೆ ಅವರು.

ಕೋಟ್ಯಂತರ ಹಣ ಹೊಡೆಯಲು, ದೇಶವನ್ನು ಲೂಟಿ ಮಾಡಲು, ಕಳ್ಳ ದಂಧೆ ನಡೆಸಲು ಅನೇಕ ಮಾರ್ಗಗಳಿರುತ್ತವೆ. ಅವೆಲ್ಲ ನಮ್ಮ, ನಿಮ್ಮ ಕಲ್ಪನೆಗೆ ನಿಲುಕದ ವಿಷಯಗಳು. ದೇಶಗಳ ಗೂಢಚಾರಿಕೆ ವಿಭಾಗದ ಹಣ, ರಕ್ಷಣಾ ಖಾತೆಯ ರಹಸ್ಯ ಹಣ -ಇವೆಕ್ಕೆಲ್ಲ ಬಹಿರಂಗ ಲೆಕ್ಕ ಇರುವುದಿಲ್ಲ. ಪೊಲೀಸ್ ಇಲಾಖೆಯಲ್ಲೂ ಅನ್ಅಕೌಂಟೆಡ್ ಹಣ ಅಪಾರವಾಗಿರುತ್ತದೆ. ಸಂಬಂಧಪಟ್ಟವರು ಅಪ್ರಾಮಾಣಿಕರಾದರೆ ಏನಾಗುತ್ತದೆ ಎಂಬುದನ್ನು ನೀವು ಊಹಿಸಬಲ್ಲಿರಿ.

ಸಾಮಾನ್ಯವಾಗಿ ಭಾರತೀಯರು ಹೊರದೇಶಗಳಲ್ಲಿ ಬ್ಯಾಂಕ್ ಖಾತೆ ತೆರೆಯಬೇಕಾದರೆ ರಿಸವರ್್ ಬ್ಯಾಂಕಿನ ಅನುಮತಿ ಬೇಕು. ಈ ಅನುಮತಿ ಪಡೆದು ಸ್ವಿಸ್ ಖಾತೆ ತೆರೆದವರು ಎಷ್ಟು ಮಂದಿ? ಒಬ್ಬರೂ ಇಲ್ಲ! ಅಂದರೆ ನಮ್ಮ ಅಧಿಕೃತ ಅಂಕಿಅಂಶಗಳ ಪ್ರಕಾರ ಒಬ್ಬ ಭಾರತೀಯನೂ ಸ್ವಿಸ್ ಖಾತೆ ಹೊಂದಿಲ್ಲ! ಸ್ವಿಸ್ ಖಾತೆ ತೆರೆಯುವವರು ಅಧಿಕೃತವಾಗಿ ತೆರೆಯುತ್ತಾರೆಯೆ? ಜಗತ್ತಿನ ಕಳ್ಳಹಣ, ಕಪ್ಪುಹಣವನ್ನು ಕಾಯುವುದೇ ಸ್ವಿಸ್ ಬ್ಯಾಂಕುಗಳ ವೈಶಿಷ್ಟ್ಯತೆ.

ಭಾರತೀಯರು ಸ್ವಿಸ್ ಬ್ಯಾಂಕುಗಳಲ್ಲಿ ಇಟ್ಟಿರುವ ಎಲ್ಲ ಹಣವನ್ನೂ ಯಾರಾದರೂ ಪುಣ್ಯಾತ್ಮರು ದೇಶಕ್ಕೆ ವಾಪಸ್ಸು ತರಲು ಸಾಧ್ಯವೆ? ವಾಸ್ತವ ನೆಲೆಗಟ್ಟಿನಲ್ಲಿ ಇದು ಕೇವಲ ಕನಸು. ಸ್ವಿಸ್ ಬ್ಯಾಂಕಿಗೆ ಹೋದ ಹಣ ಹಿಂತಿರುಗಿ ಬಂದು ಯಾವ ಸಕರ್ಾರದ ಖಜಾನೆಯನ್ನೂ ಸೇರಿದ ನಿದರ್ಶನಗಳಿಲ್ಲ.

ಆದರೂ ಕಲ್ಪನೆ ಮಾಡಿಕೊಳ್ಳೋಣ. ನಮ್ಮ ದೇಶವನ್ನು ಕೊಳ್ಳೆ ಹೊಡೆದ ಎಲ್ಲ ಹಣವನ್ನು ವಾಪಸ್ಸು ತಂದರೆ ನಮ್ಮ ದೇಶದ 100 ಕೋಟಿ ಜನರಿಗೆ ತಲಾ 70,000 ರೂಪಾಯಿಗಳಂತೆ ಹಂಚಬಹುದು. ನಿಮ್ಮ ಮನೆಯಲ್ಲಿ 5 ಜನರಿದ್ದರೆ ನಿಮ್ಮ ಕುಟುಂಬಕ್ಕೆ 3.5 ಲಕ್ಷ ರೂಪಾಯಿ ಸಿಗುತ್ತದೆ! ಭಾರತೀಯರ ಸ್ವಿಸ್ ಹಣದಿಂದ ದೇಶದ ಶಾಲೆಗಳ, ಆಸ್ಪತ್ರೆಗಳ ಸಂಖ್ಯೆಯನ್ನು ನಾಲ್ಕು ಪಟ್ಟು ಹೆಚ್ಚಿಸಿ 100 ವರ್ಷ ಆರಾಮವಾಗಿ ನಡೆಸಬಹುದು. ದೇಶದ ರಕ್ಷಣಾ ಬಜೆಟ್ ಅನ್ನು ಎರಡರಷ್ಟು ಹೆಚ್ಚಿಸಿ ಮುಂದಿನ 30 ವರ್ಷ ಆ ಮಟ್ಟವನ್ನೇ ಕಾಯ್ದುಕೊಳ್ಳಬಹುದು. ಕೇವಲ ಐದೇ ವರ್ಷಗಳಲ್ಲಿ ಭಾರತೀಯ ರಸ್ತೆಗಳು, ರೈಲು ಮಾರ್ಗಗಳು, ವಿಮಾನ ನಿಲ್ದಾಣಗಳು ಜಗತ್ತೇ ನಾಚುವಂತೆ ಆಗಿಬಿಡುತ್ತವೆ. 1.4 ಟ್ರಿಲಿಯನ್ ಡಾಲರ್ ಫಾರಿನ್ ಎಕ್ಸ್ಚೇಂಜ್ ರಿಸವರ್್ ದೇಶದ ಆಥರ್ಿಕತೆಯನ್ನು ಕನಸಿನೆತ್ತರಕ್ಕೆ ಕೊಂಡೊಯ್ಯುತ್ತದೆ. ದೇಶದ ಎಲ್ಲ ಸಾಲ ತೀರಿಸಬಹುದು. ಮುಂದಿನ 25 ವರ್ಷಗಳ ಕಾಲ ಒಂದು ಪೈಸೆ ಸಾಲವಿಲ್ಲದೇ ಪೆಟ್ರೋಲಿಯಂ ಕೊಳ್ಳಬಹುದು. ಆದರೆ ಇದಾವುದೂ ನಡೆಯುವ ಮಾತಲ್ಲ. ಸ್ವಿಸ್ ಬ್ಯಾಂಕಿನಲ್ಲಿರುವ ಭಾರತೀಯರ ಹಣ ಇನ್ನಷ್ಟು ಬೆಳೆಯುತ್ತ ಹೋಗುವುದನ್ನು ಮಾತ್ರ ನಾವು ನಿರೀಕ್ಷಿಸಬಹುದು.

ಭಾರತ ಇನ್ನೂ `ಬಡದೇಶ'ವೇ ಆಗಿರುವ ರಹಸ್ಯವೇನೆಂದು ತಿಳಿಯಿತೆ?